| |||||||
| جواهر بوح القوافي نبضك الفاخر .. قصائد الاعضاء |
 الإهداءات | |
 |
| | LinkBack | أدوات الموضوع | انواع عرض الموضوع |
09-13-2011, 03:52 AM
| #1 (permalink) |
| عضو   تاريخ التسجيل: Sep 2010
المشاركات: 849
معدل تقييم المستوى: 3  |  انا كذا لا ضقت جيت الشواهيق .. يا كـودهـا تـرتـاح نفـسٍ علـيله السلام عليكم ورحمة الله وبركاته اعتذر لكم على طول غيابي واهديكم هذه المتواضعه اتمنى من الله ان تنال ولو على القليل من اعجابكم اقول فيها : لامن كثر همي وحسيت بالضيق وصارت ثواني الوقت عندي مليله دعيت ربي راجيٍ منه توفيق ارجي اللذي ما خاب من يرتجيله واسوق رجلي وأبعد من المخاليق وأذب في روس الجبال الطويله وارفع بصوتي وانتقي لي طواريق وابدع وأغني لي بيوتٍ جزيله انا كذا لا ضقت جيت الشواهيق يا كـودهـا تـرتـاح نفـسٍ علـيله واروح ادور للسبايب بتدقيق اللي تجيب همومي بكل ليله ياما يروح الفكر غرب ومشاريق بكل إتجاه يسج يبغى دليله ياكم بحث لأسباب ضيقي بتحقيق يرجي دوا داءٍ منه حالي نحيله وإلا ذكر فرقاً تهز المعاليق فرقى الوليف اللي محرم بديله الصاحب اللي له بقلبي مواثيق حب وغلا قدر ووفا تستويله اللي فريد الحسن في وصفه يليق حسين طبع وصعب يلقى مثيله ثقل ورزانة عقل عكس المطافيق متميز وفارق على كل جيله في مبسمه حلو العسل خالط الريق ومْن الحلا والذوق يملك جزيله والخد برَّاقٍ وكنْ به مباريق وساعٍ عيونه ناعساتٍ كحيله ورموشٍ تساوا صفها دون تفريق طوال وكثيفاتٍ وعكشٍ ظليله ابعد وانا ما بين حلمٍ وتصديق ما يعرف ان بُعده لعب بي حصيله ما يدري اني منه ما اقوى المفاريق وإني بدونه عيشتي مستحيله وأقفى وخلا فيّ جروحٍ مفاتيق وهمٍ على صدري حموله ثقيله منها تعب قلبي ونفسي فلا تطيق حلو ولذيذ الزاد ما تشتهيله وعيوني لغفوة منامي مشافيق عجزت تحصل للمنام اي حيله والدمع منه رموش عيني مغاريق له وسم فوق الخد من كثر سيله فرقاه نارٍ جتني بزود تحريق حالي لها سافٍ وقلبي فتيله نارٍ عروقي من لهبها محاريق ومشاهيبها ظلوعٍ بصدري شعيله والحين عارف ليه تلفي مسابيق همومٍ وضيقاتِ بصدري نزيله والحين مالي كود روس الشواهيق و بنـبه الـلي للعشق يـهـتـويـله تنبيه لاهل العشق ويا العشاشيق دروب العشق بـ الـهم ما هي بخيله وحذرى على وادي العشق لحدٍ يويق تراه يجرف من قرب له بسيله همه ثقيل اثقل من النير وطويق يكسر ظهر من هو نوى يرتكيله وجرحه ترى من غيّبه صعبٍ يفيق معدومْ طبّه من قرونٍ طويله ما في العشق حلٍ وسط يا معاشيق يا ربح راحه او خساره هزيله ربحان من هو ريـحته التوافيق وخسران مَنهو مِنه أضحى قتيله والحين أبرقى في علو الشواهيق لـعـلــها تـرتـاح نـــفـسٍ عــلــيـله . . . . . . . . . وسلامتكم تحياتي وودي وعبير وردي لكل من مر من هنا آخوكم آحســـ عآشـق ــــآس
__________________ |
|      |
|
09-13-2011, 09:47 AM
| #3 (permalink) |
| ..........   تاريخ التسجيل: Mar 2010
المشاركات: 1,229
معدل تقييم المستوى: 10 | رد: انا كذا لا ضقت جيت الشواهيق .. يا كـودهـا تـرتـاح نفـسٍ علـيله
ياسلام ياسلام جزل ومبدع نص كبير ومعبر وينزف بحروف اليمه لاهنت وصح منطوقك الف الف مره ولاعاد تغيب يالغالي
__________________  الشوق معدن نادر يتمدد بالحراره وينكمش بالبروده ...................................... النظره لغه عالميه لا تحتاج الى ترجمه .................................... العاقل من يضيف لعقله عقول الاخرين ...................................  i-msy@hotmail.com |
|
| |
|
01-25-2012, 12:29 AM
| #5 (permalink) |
| عضو  تاريخ التسجيل: Apr 2010
المشاركات: 1,042
معدل تقييم المستوى: 3 
| رد: انا كذا لا ضقت جيت الشواهيق .. يا كـودهـا تـرتـاح نفـسٍ علـيله وعليكم السلام ورحمة الله صح الله لسانك جزله من راااس جزل تقديري
__________________
مل القلم تكرار بعض العبارات=الي تزيدصدور الاوراق ضيقه الحبر ينزف والقلم فيه زفرات=ينحب نحيب وسمعت اذني شهيقه معذور لاكن طال ماحي مامات=يستخدمه من شان يرضي فريقه ضغط عليه وكرهه بالعلاقات=حتى نفذ صبره بغط الحقيقه ندم بعد رسمه طريق المتاهات=وصحى ظميره مع تغطرس رفيقه |
|
| |
|
| مواقع النشر (المفضلة) |
| الكلمات الدلالية (Tags) |
| الشواهيق , انا , تـرتـاح , جيت , ضقت , علـيله , كذا , كـودهـا , لا , نفـسٍ , يا |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض العادي
