04-23-2010, 11:09 AM
| #1 (permalink) |
| Guest
المشاركات: n/a
|  ديوان الشاعر غازي بن دخيل الله بن عون بسم الله الرحمن الرحيم اقدم لكم اخواني واخواتي اعضاء الملتقي الشامخ الكرام ديوان شاعر رمز من رموز الشعر النبطي وقد قمت بجمع الديوان من كذا مصدر وسوف اقوم باضافة بعض القصائد التي اجدها لاحقا لكم بالتدرج لكثرت قصائد شاعرنا الكبير غازي بن دخيل الله ابن عون واتمنا ان يروق لكم الاختيار : نبذة عن الشاعر : غازي بن دخيل الله بن عون الرويس العتيبي من مواليد عام 1373هـ إشتهر غازي بن عون بالشعر الجزل والحمكة والموعظة والورع وله العديد من المساجلات مع الشعراء بفئاتهم السنية المختلفة ، فالكل يطمع ويسعد في مجاراة بن عون في قصائدة الجميلة .. (( الديوان )) (( قصيدة في الرسول صلي الله عليه وسلم )) تبت يدا من سـب خيـر البريـه وتبت يدا ناس ٍ عنه مـا يـذودون يـا امـة الاسـلام يـا محمديـه يا اللي لعفو الله وعطفه ترجّـون ان كان ما قمتـوا بنصـرة نبيـه مدري متى بالله عليكـم تقومـون من يوم لحقت بالرسـول الاذيـه يا مّة محمد بعدهـا وش تحـرون انخى هل التوحيد واهـل الحميـه اللي بشـرع الله ودينـه يدينـون اهـل العقيـده والعـزوم القويـه اللي بوقـت النـازلات يتحامـون ما هيـب مـن حميـة الجاهليـه ولا حميـة عنصريـه وقـانـون حمـيـةٍ فالـديـن عقـايـديـه بنيت على مبدا واساسات وركـون مـا هيـب حزبيـه ولا مذهبيـه وتعصب ٍ فالدين ما هوب مسنـون وحميـة الاحـزاب والطايفـيـه مآلها تصيـر مـن دون فـي دون وحمية اصحـاب القلـوب التقيـه سياج دون حدود الاسلام وحصون اليا تحاموا ضـد راعـي خطيـه النصر من رب الثقليـن مضمـون اقفوا بوجـه الهجمـه البربريـه وذودوا عن الهادي بما تستطيعون كل ٍ يقف منكم لهـم فـي نحيـه لا ياصلون المطلب اللي يريـدون اسقوا عدا الاسلام كـاس المنيـه وكيلو لهم ضعف الذي له يكيلـون ياجب على جميـع راعـي رعيـه ياقف بوجه اللي لدينـه يكيـدون وعلاقتـه بالـدولـه الاجنبـيـه اللي تسيء للي بهديه ملا الكـون يصدر علـى الـوزاره الخارجيـه تجذها من جذرهـا جـذ عرجـون ويصدر علـى الـوزاره الداخليـه تعاقب اللي فـي سلعهـا يبيعـون ووزارة اعلامـه تبنـا القضـيـه وتبث ضد الادعـا اللـي يبثـون والصحـف والكتّـاب والاولويـه للي ليـا قالـوا مقالـه يجيـدون ويترجمـون السيـره الهاشميـه لابن هشام وصاحبه ليـن يـدرون باخلاق وافعال الرسـول الزكيـه اللي عن الزلات والنقص مصيـون قبلـه نعيـش بليلـةٍ خرمسـيـه ما ينسري فيها الدلايـل يتيهـون وقفى الظلام وجا الفرج مع مجيـه والتايهيـن بمشعلـه يستـدلـون بعثـه ربـه رحـمـة للبـريـه ويشفع للامه يوم بالحشر يقفـون اكبـر شـرف للامـه اليعربـيـه انه بعث منهم مصـدق ومامـون نفس ٍ تجنب عـن طريقـه شقيـه ويا سعد ناس ٍ مع طريقه يسيرون وما نشـر بالصحافـه العالميـه اخر كوايا بين الاضـلاع وطعـون وغير الطعون اخر جروح ٍ خفيـه وادما قلوب اللـي لحبـه يكنـون ويضحك من الاخبار شـر البليـه اوحيت وانتم عبر الاعلام توحـون ما خلوا من القبح والسـب شيـه وبعد هذا كله للاصـلاح يدعـون وزيرهـم يقـول نهـدي هـديـه وحمام سلام ٍ مع اغصان زيتـون حنا عن المنهـج جنحنـا شويـه من ما جعل حزب الصليب يتجرون لو نرجع لسيـرة سلفنـا النقيـه عدواننـا منـا بغـل ٍ يمـوتـون لـو نستعيـد امجادنـا الاولـيـه دفع لنا هامـان جزيـه وفرعـون وما مالت ازهـار الربيـع النديـه صلوا على المبعوث يا اللي تصلون (( القدس )) انا قبل ما بلغ من العمـر عشريـن حبيتلي فـا الكـون ثالـث حبيبـه ما حب قلبي غيرهـا غيـر ثنتيـن ياليتهـا مثـل الحبايـب قريـبـه أزاور الثنتين مـن حيـن لا حيـن ومريـم زيارتهـا عليـه صعيبـه مقدارهـا عنـدي وعنـد الملايـن وزنه ثقـل مقـدار مكـه وطيبـه وحبيلها بخـلاف حـب المحبيـن اللي يلاحـظ فيـه شكـه وريبـه وحبيلها تمليـه اللأخـلاق والديـن ولابه مـن المنقـود عيـب يعيبـه وأنا مابا الاشوفها شـوف بالعيـن وحال أبرهه بين الحبيـب وحبيبـه شريفـه محبـوبـت للشريفـيـن بكف الخبيث اللـي يبيهـا خطيبـه يالنود ياللـي فـي سنعهـا تهبيـن اقفـي بسراهـل الهـوى وقبليبـه اذا تكرمتـي بعـد مـا تـوديـن علمي لها اخذي علمها وأرجعيبـه وقولي محبك لايعـه لايـع البيـن من الشوق غاديت ضلوعه حطيبـه ومن يوم مرسولي عطاها العناوين من البعد زارتني زيـارة غريبـه يوم الدجى الداجي زلف منه ثلثيـن فا الحلم جتني عقب طول المغيبـه ومن الفرح سألتهـا وش تريديـن قالت على أحبابي جروحي عطيبـه ما تدري أني من ثلاثـه وخمسيـن وطرفي من اللوعات يجري شعيبه واحفاد خلاني لـي اليـوم ناسيـن وانا انسبي مثـل السبايـا غصيبـه والله لو ان اجـداد الاحفـاد حييـن مـا تنحنـي هاماتـهـم للغليـبـه واحبابي اهل المجد عينتهـم ويـن اللي لهم في ماضي الوقـت هيبـه أقصد هل القرآن وأهل الصحيحيـن وهل العزايم وأهل الاريا الصليبـه واهل الحديبيه واهل بـدر وحنيـن واهل سيوف من عداهـم خضيبـه اللي عن السنـه ماهـم بمتحاديـن ورجالهم في الحرب ينطـح كتيبـه لو أن جمع عداهم اكثر من الصين لاشب سـو المـوت وردوا قليبـه ولا يرتعون مرجحيـن الموازيـن بمراتع الحقران لو هـي خصيبـه ماهم هل الاعراف واهل القوانيـن وهم مسلمين ومن جـدود عريبـه قلت الذي يابنـت عنهـم تسأليـن ركزت عليهم فا اللحـود النصيبـه وحفادهم صارو مثل مـا تشوفيـن ما خلصوك من الظروف العصيبـه لو انهم علـى الكرامـه غيوريـن ما نامو الانـذال وانتـي صويبـه رجالهم بالثوب والمنظـر الزيـن يفوق تلعا الجيـد شقـرا الذويبـه وأن دار فن الحرب بين الفريقيـن على العدا الرعديـد مـا ينعديبـه يسافر من أجل العلم رخو الجناحين وليـا لفـا للـدار بعـد تغريـبـه ليا هو مصد عن طريق المياميـن ومضيـع دينـه وعيبـه بجيـبـه وصارت حياته بين كـازا وبكيـن يا عزتـي عـن جـادل تعتزيبـه ولا عـم لكـن النشامـى قليليـن يخط الهدف عشره وواحد يصيبـه وكانك تبين النصر من جيل الالفين مهـمـة علىالـزلايـب تعيـبـه صارو بسيف الحيف والذل راضين من عقب ديد الـذل شربـو حليبـه انتي من انجال القـرود الخبيثيـن مجروحة(ن) جرح يحيـر طبيبـه وهم في الملذات الرخيصه مفليـن مثل البهايم في الفيـاض العشيبـه ومن جبنهم يشكون من ظلم ياميـن على عدو الديـن الاخـر صحيبـه اللي على نهب الديـار متواصيـن كـل يبـي يجيـه منهـا نصيبـه ونداك ياللي فوق الاشهـاد تنخيـن لا معتصم لامـن صـلاح يجيبـه وحنا بعد كنا على الضـد قاسيـن ونثبت على ما صابنا من مصيبـه اليـوم نمشـي للمذلـه مطيعيـن نلوى مثل خضر الغصون الرطيبه المسجد الاقصى تحت بطش رابين ونشجب ونستنكر بعد مـا غديبـه والشجب في الاعلام ما يقضي الدين ولا تستعاد بـه الحقـوق السليبـه ان ماحصل يوم مثل يـوم حطيـن كـل أذاعـات العالميـن تحكيبـه مـن دون بيـت ثالـث للحرميـن نبيـع اللأنفـس والحيـاه بزبيبـه ان كان ما عشنا عليهـا عزيزيـن عيش المذلـه والجبـن وش نبيبـه وياللي لتفريـج المصيبـه ترجيـن ارجي فرج راعي الفرج وابشريبه مغيـر الأحــوال رب الثقالـيـن اللي من اخلص بالعمل لـه يثيبـه والحق شمسه تجلي الليـل وتبيـن والظلـم مهمـا زاد ثلجـه تذيبـه وصلوا على خاتـم جميـع النبيـن اللي الى القدس الشريفـه سريبـه (( مرثيه بالامام العلامه عبدالعزيز بن باز . رحمه الله )) البارحـة يـوم ان بعـض المـلا نـام انـا عـن المضجـع تجافـت جنوبـي ابكي مثل غيري علـى شيـخ الإسـلام شيـخٍ غـلاه مخيـمٍ فـي القلـوبـي يا كم بكوه من ايسـر الشـرق للشـام ومن الشمـال اليـا جنـوب الجنوبـي يـوم التلفزيـون بـث النبـا الـهـام كثر البكـاء فـي كـل حـدٍ وصوبـي ولو البكاء يحيـي لنـا مـدح الاقـرام بكيت لين اغـرق مـن الدمـع ثوبـي ولو النياحـة مـا بهـا ذنـب وآثـام عليـه شـقـن الـعـذارا الجيـوبـي وعلى وفـاة الشيـخ نكسنـا الاعـلام جميـع مسلـم فـي جميـع الشعوبـي شيخٍ عن الدنيا وعـن مـا بهـا شـام يرجـي فضـل غافـر كبـار الدنوبـي نبراس علمه مثـل بـدر الدجـا التـام وفي صالـح الإسـلام يعمـل دؤوبـي ومن يوم جاء عمره ثلاثة عشـر عـام ليـن ان شمسـه قـربـت للغـروبـي وهو محفيٍ في مطلـب العلـم الاقـدام بسبيـل ديـنـه للمـفـواز يجـوبـي من منبـع الحكمـة شبـع زاد وايـدام وكـم ديـد علـمٍ فـي انـاه محلوبـي علمـه مثـل هـداج للمضمـي اجمـام ما ينقصـه نـزف الدلـي والغروبـي عدٍ غزيـرٍ جمـه أبيـض مـن الخـام والـذ واطهـر مـن دريـر النصوبـي وبدد سنـا علمـه حناديـس الاظـلام وصحـح مسـار مضيعيـن الدروبـي ومن تاه ما بيـن الحقايـق والاوهـام يشـوف نـورٍ كـان عنـه محجوبـي وكـان اقدحـوا فـي ديـن الاســلام الاخصام اللي عليهم في الكتاب مغضوبي زراقـت المسلـم والاسـلام باسـهـام وملصقـت فيـه التـهـم والعيـوبـي تحيـزم لحـرب الخبيثـيـن بـحـزام ووقـف مواقيـف البطـا والحـروبـي لمبـارزة عـدوان الاســلام مـقـدام مـن دون ديـن الله حمـاه مهيـوبـي بنـص الايـات وبالادلـة والاحـكـام يلجـم لسـان المفتـري والكـذوبـي ويلحم ثقوب اسيـاج الاسـلام بالحـام كـان الخبيثيـن احدثـوا بـه ثقوبـي وقف عـن الاسـلام الالسـن والاقـلام والمهتـدي غالـب ماهـوب مغلوبـي ولا كشـرت غبـر الليالـي والايــام وشام الزمان وجـاء بوجـهٍ شحوبـي بالخيـر يسعـى للارامـل والايـتـام ويفزع لهـم وقـت القسـا والكروبـي حبـرٍ سخـيٍ شهـم صــوام قــوام زاهـد ورع عنـد الجميـع محبـوبـي غيابك وفرقـاك ورحيلـك يـا الامـام خطـبٍ دهانـا مـن كبـار الخطوبـي نطلب عسى اللي يستلـم بعـدك الـزام بعـد رحيلـك فـي غيابـك ينـوبـي و يـا الله يـا رب الثقيلـيـن عــلام الـسـر والعـلانـيـة والغـيـوبـي تجعل يبا الافراج يـا مجـري الانسـام عليـه رحمـه كـل نسمـة هبـوبـي يا المرتجـى يـا ذا الجـلال والاكـرام عسـى وليـك مـا يمـسـه لغـوبـي ويلبس ثيـاب الفـوز لبسـه للاحـرام ويقيـم بيـن انهـار واشجـار طوبـي ويبنى لـه بطوبـا مقاصيـر واخيـام وينعـم بملبـوس وطعـام وشـروبـي واثمارهـا تفتقـت عنـهـا الاكـمـام وانهار مـا يطـري عليهـا النضوبـي يا الله تجمعنـا علـى الحـوض قـدام وتجيرنـا نهـار فــور ورسـوبـي ونصال نارنٍ بالحجـر تضـرم اضـرام منهـا جلاميـد الصفـايـح تـذوبـي لاهـل الكبائـر يومـئـذٍ والاجــرام مـا عـن مواقعهـا مفـر وهـروبـي للمشركيـن اللـي يعبـدون الاصـنـام منهـم حطبهـا للـوقـود محطـوبـي يا العبد لاتهيـم مـع درب مـن هـام أعرف تـرى قدمـك نعيـم وشبوبـي أسلك طريق أهـل السعـادة والانعـام ودرب الشقـا منـت بعليـه مغصوبـي وأوصيك في وصل القرابـة والأرحـام بعـد الفرائـض والسنـن والوجوبـي وصل وتـزك وحـج وجهـاد وصيـام وجميـع مـا تعمـل عليـك محسوبـي وختامهـا اصلـي علـى سيـد الانـام واستغفـر الله مـن ذنوبـي واتـوبـي (( عزة النفس )) أنا ما لقيت اللـي يشاركنـي الأحسـاس من الساحل الشرقي ليا الساحـل الغربـي و من حدها اللي من ورى قصر بن هباس ليا أقصى الطوال اللي جنوب عن الدربـي ترفع مزاجي عن مزاجات بعض النـاس ورفض عقب مسكان الرفـاع يتحدربـي عن المنزل اللي فيه للساقطيـن أونـاس لـدار المعـزه والعزيزيـن سافـربـي زراج قفر ما جاه لهـل الـردى عسـاس و لا دوجت بربوعـة الهيـم والجربـي مزاجي كما طيـر ليـا هبلـه نسنـاس عن أرض المذله في سما العز يشهربـي يحلـق بجـو العـز تحليقـة القرنـاس عن الشرك يم ديـار الانصـار هاجربـي طمحت لحديث بن عمر هو وبن عبـاس وهجرت الرياضيات والجمـع والضربـي ليا وردو انذال المـلا عقلـت الانجـاس مزاجي مـع المظمـاه عنهـا يصدربـي لو العز بحـر ٍلالتطـم يغـرق الغطـاس رسابي مزاجي فـي موانيـه وابحربـي اجنب يميـن عـن المناقيـد و الادنـاس وخلـي طريـق ٍللـمـلام يتياسـربـي انا مع طريق اللي لهم فالدجـى نبـراس هذا دربهم وانـا علـى دربهـم دربـي اقـص الاثـار المستجـدات والـدراس تقفيت اثـر وافيـن الاشبـار والثربـي و عن منهج ٍ سارو معه مارغب المنكاس تسهـل معـه ممشـاري ولا توعـربـي وانا حالفٍ بمكـون الـروح و الانفـاس ومرسل خيار الخلق من خيـرت العربـي ما تصغ المسامع للمطامع ولا ارخ الراس ولـو كـان كـل ٍينتقدنـي ويسخـربـي اقاس الظروف وسمعتي كنها القرطـاس ولا اطلـب جميـل البوسنـه والصربـي وقل ٍتسوده عزت النفس مـا بـه بـاس ولا خضع يا كود لكاشف الضر والكربـي لو ارخي عزيز النفس لجل الذهب والماس بقت وصمةٍ لاحـل بـي ذكـر وتذكربـي هذا هو طريقي والبشر والعقول أجنـاس وكل ٍ لـه أرا ولـه منهـج ولـه دربـي (( يامل عينن )) يامل عين ٍ في محاجرهـا مثـل شـوك الحمـاط وإليا طرالـي ماضـي ٍ قفّـى تفيـض دموعهـا من كثر ماتجهش بماهـا محفـي الخـد الحشـاط إلهـا ثـلاث وسبـع وأربـع ماوقـف ينبوعهـا تبكي علـى ايّـام السعـاده والهنـا والانبسـاط اللي تكـدّر خاطـري عقـب ارتحـال نجوعهـا ولا آضنّ ترجع لو يلج عليان فـي سـمّ الخيـاط ولاّ شفايـا الآدمـي تـقـدر تقـبّـل كوعـهـا ويوم أذكـر ايّـام السعـاده والفتـوّه والنشـاط المملكه تضيق بـي لـو هـي وسـاع ربوعهـا وإليا ضرب له شوط هاجوس الضماير واستشـاط شامت عيوني عن لذيـذ النـوم عقـب هجوعهـا وشبّيت نار ٍ فوقها خمس ٍ مثـل وصـف القطـاط صفـر ٍ كراسيهـا عـراض مْضمّـرات فروعهـا يشرا لهن بـنّ اليمـن والهيـل ماغيـره خـلاط غريب نـوع الكيـف وادلالـه غريـب ٍ نوعهـا فنجالها لاصبّ لـي لونـه مثـل لـون المشـاط وإليـا تناولتـه هواجيسـي تـفـلّ جموعـهـا الله من وقـت ٍ تقشّـط فيـه الاعمـار انقشـاط تطوى العمـار دهورهـا وشهورهـا واسبوعهـا نمشي على درب السلف ممشى البشر فوق الصراط بدنيـاً كمـا عـذراً تزيّـن خدّهـا بأردوعـهـا فرعا القوام اللي حمـار اوجانهـا مثـل الطمـاط وتلبس لعاشقهـا الحلـي وتْكـدّ لـه منسوعهـا ومن لاتحذر من مقالبهـا وأخـذ منهـا احتيـاط قـدّام لاتسقيـه مـن كـاس الكـدر قرطوعهـا تفتق على المغرور عقب الستـر فتـق ٍ مايخـاط ولا تخدع إلاّ الجاهـل اللـي مايعـرف طبوعهـا الغافـل اللـي مايفكّـر بالـحـروف وبالنـقـاط تبصـر عيونـه والاذانـي يسمعـنّ سموعـهـا لكنّهـا رابطتـن الغفلـه علـى قلـبـه ربــاط وبصيرته تبـع الهـوا مطفـن شعـاع شموعهـا نفسه تقوده مع طريق اهـل الـردى والانحطـاط ومطيعهـا فـي غيّهـا وذلالـهـا وغضوعـهـا ولا ينتبـه لأخداعهـا إلاّ ليـا ضربتـه بالسيـاط وعقب الحدث وش ينفعه لـو ينتبـه مخدوعهـا وإليا التقط تلك الملك من جسمـه الـروح التقـاط يندم على مـا فـات عنـد اخراجهـا ونزوعهـا ومن انتبه منذ الصغر لأحـداث بقعـا واستحـاط وقرا مـن الكتـب المفيـده واستمـع مذيوعهـا يلقى صنيعه لاوصل حـدّ العـرق فـوق الابـاط وبيض الصحايف فتّحـوا لأصحابهـا مشموعهـا كمّ من جموع ٍ جالها صولـه وجولـه واختـلاط وعقب اجتماع الشمـل بقعـى فرّقـت مجموعهـا ((كيف النشاما )) ياريـف قلبـي للمساييـر قـم شـب وحط المناره فـي طويـل الظلالـي عقب تشق الها لجزل الحطـب جـب وهات النجر واحضر جـداد الدلالـي ثلاثٍ الهن راعـي الكيـف يطـرب وسوطهـن ضمّـر والأخـر جلالـي وابطونهن ما اخذن اسبوعٍ عن الـرب وجنوبهـن صفـرٍ تــلالا تـلالـي والرابعـه ملقامـة لونهـا اصـهـب حيـث انهـا للنـار دايـم تصـالـي فليا جبت كل اشروطها اللـي تطلـب اقعـد عليهـا يازعـيـم العيـالـي واحمـس لنـا بريـة حبهـا اشهـب وبهارهـا هنـدي وماهـا زلالــي واعرف تـرى قانونهـا مـا يخـرب وندارهـا ينقـى ومـاهـا يكـالـي وتراه ما يصلـح لهـا كـل مذهـب ولا تقبـل الراضـه ولا الأعتجالـي واليا حمست احرص على حمسة الحب واعرف ترى الحمسه تبي وسع بالـي تاخذ على ادنى الجمـر فتـره تقلـب لين العـرق يطلـع سـواة اللوالـي ومن يوم يطلـع فالمبـرد لهـا كـب ليـن النـدار الكـان فيهـا يشـالـي واليـا خـذت مقـدار للنجـر قـرب ودنه بصـوت يسمعـه كـل غالـي دنـه وخـلـه للمسايـيـر يـجـذب لا قـام صوتـه للنشـامـا يـلالـي يوحونـه الجيـران لاقــام يقـنـب ويجيك الأقصى والقصيـر الموالـي وعقـب تـدق البـن لقـم وركــب ليـن انهـا تسمـح مـن الأجتوالـي وقبـل تبهرهـا عـن النـار تجـذب وتركد شويه ليـن يصفـي الحثالـي وبرويد في حـدى المباهيـر تسكـب من عقب غـال الهيـل فيهـا يهالـي واعـرف اليـا بهرتهـا يالمشـبـب تـراه يكفيهـا مـن النـار صـالـي ثم اجذهـا مـن يـوم للهيـل تقلـب ومن يـوم تركـد صبهـا للرجالـي حتى يجي الفنجال منهـا اليـا صـب بين الشقـار وبيـن لـون الشعالـي اما اشقر رايب مثـل بـول الأرنـب والا اشعـل يشـدا لـدم الغـزالـي يطرب لها من كان للكيـف يطـرب كيف النشاما اللي مـن العـب خالـي واعـرف تراهـا عـادة مـا تسيـب ولا ينتقدهـا الا قصـيـر الحبـالـي واحرص تخلـي عـادة الجـد والاب ما هم عليـه اول عليـه انـت تالـي تراك مـن كـل المناسـب معـرب مـا بيـن جـدان وعمـام وخوالـي وابيـك عـن منهاجهـم مـا تجنـب انكـان فكـنّـك بـنـات الليـالـي (( مرتع الخلفات )) كل مادجت في مرتع الخلفـات وشفت الاوطان من عقب اهاليها ثـم تذكرتهـا فـا لثمانينـات عقـب قفـت لحقنـا بواقيهـا من خفاياي جريت لـي ونـات وزرهفت عبرةٍ كنـت كاميهـا وفاض من محجر العين شلالات وبان خافـي مخفّـى خوافيهـا وتعذر العين لو تنثر العبـرات عقـب ماجوبهـا وش تحريهـا عقب صيدٍ بها جالهـم عبّـات كن مامنهم اللـي مشـى فيهـا سادةٍ فعلهـم يرفـع الهامـات وخوفهم مرتع الشـول حاميهـا ياكثر ما دهلها مـن السرفـات والمهـار الاصايـل تباريـهـا ومن حرارٍ وهجـن ٍ عمانيـات ومـن بيـوتٍ كبـارٍ مبانيهـا والقطا الرقط والشرد الحذرات والمسايـل تـدارج حباريـهـا ولابقي من حياة اهل العـادات غير طار النشامـى وطاريهـا من خشوم الا ينوفي الى سفوات جعل همـال الامطـار يسقيهـا دار الهـا محبـه وذكـريـات نغلـي اللـي ربوهـا ونغليهـا ذكرياتٍ مضت في زمان ٍ فات لـو تناسيـت مانـي بناسيهـا كل ماقلت ماتت مع الامـوات شوفت اقذال الاوطـان تحييهـا اثر بقعاء ولـو جالهـا لـذات تكدر خطوبها صفـو صافيهـا فاتن ٍتاخـذ النـاس بالغـرات ما افلح العاشق اللـي مهاويهـا من سمع ذكر دنيـاه فالايـات ويعتبر لاسمع ذكـر ماضيهـا عقب ماشفت غاراتها العجلات ودي ابيعهـا ويـن شاريـهـا مثل ماباعها الشيخ ابن صنهات عافها عقـب ماشـاف تاليهـا والتجا في حجا عالـم النيـات باعت الناس من عقـب يفنيهـا (( عصر الصبا )) عصر الصبا مثل المحبيـن حبيـت فتانـةٍ فـي زي طفلـه وديـعـه فيها من أنواع البهـا مـا تمنيـت بالسحر من ترايب أمـه رضيعـه وبعـد بغيبوبـة هواهـا تماديـت في حبها شميـت ريـح الخديعـه ولا انتبهت الاّ بعـد مـا تفاجيـت بكحول الطفلـه لشمطـاء لكيعـه ويا للأسف بخداعهـا مـا تنبيـت الاّ بعـد منهـا وقعـت الوقيـعـه من فعلها يا ما من النـوم فزيـت فزة عديـمٍ شـاف ذبحـت منيعـه ومن فعلها يا ما من الخطب جضيت من قلة الحيلـه وعظـم الفجيعـه ومن فعلها يا ما من الدمـع هليـت لين ان سيلـه ينتحـي مـع تليعـه ومن فعلها للشعر يا مـا تلاجيـت اضمـد بنظمـه جـروحٍ شعنيـه لا كثرت أمراضي بعذبه تداويـت وأحاول أسمو عن مواضع وضيعه وأحـاول أنقـى نقوتـه لاتنقيـت وأعزل رحيقه عن مشـوك نقيعـه وإن كان عيّا لايطاوعنـي البيـت أحاول أنه لاعصانـي مـا أطيعـه إن طاعني دليت وإن طعته أخطيت اليا غـوا المتبـوع يغـوي تبيعـه واليا جفل عنـي قطيعـه تعنيـت اتناه يضوي عقب يسـرح قطيعـه وإن كان مع تجار الأشعار طبيـت في سوقه اللّي فيه شريـه وبيعـه يا ما عن هزال البضايـع تساميـت وأحاول أشري من قرايـع قريعـه وعن معشر النقاد وعن الشماميـت أحاول أدخل في حصـون منيعـه واللّي يده علـى زرار الديناميـت أحاول أقفل عنـه بـاب الذريعـه ليا قربت من الزلـل لـو تحريـت فرحوا به اللّـي جعلهـم للقطيعـه لو ما يجي حجمه جحم عود كبريت في كل اذاعه كـل منهـم يذيعـه واحدهم يوقـت لهفوتـك توقيـت ويثـور الغـام القضيـة سريعـه ولامنك بنظم الجواهـر تقصويـت لايزعجك نبح الضرايـا المجيعـه وأن كان في ريع الطريق استشكيت دق لك ريعٍ تضمنه فـي المغيعـه واليا انتقدني فاهمٍ لنقـده اصغيـت واقدر ارائـه ولا أجحـد صنيعـه والشعر اليا مني على عذبه اشفيت أحاول أرقى في الرجـوم الرفيعـه وأنا أحسب اني في فروعه تعليـت وبدت لي اقـوال وريـداً وسيعـه وسألت رجم الشعر يا رجم ما ريت محسن وابن لعبون وابـن ربيعـه وتركي وذي ماعز شليويح وبخيت والسادة اللّي مثلهـم فـي الطليعـه اللّي لهم مقدار ولشعرهـم صيـت والجود سلولـه سنـون وشريعـه نحتوا فخرهم في صخور الجرانيت بالرغم من قسوة ظروف الطبيعـه قصيدهم محييٍ ذكر جيلـه الميـت ومع طول عمره ما حصله هزيعـه ثم قال منت بحولهـم لـو تعنيـت لو عمرك وشعرك بزهـرة ربيعـه بينك وبين اللّي لمنهجهـم اغليـت مثل ما بيـن السلسلـه والوديعـه وتغيرت روابعي عقب ما أوحيـت قول الرجم في أهل الفنون البديعـه وبركت دون أهدافي اللّي لها جيت وصار أكثر أحلامي سرابٍ بيعـه برق لي زلالٍ على شربه ارهيـت وأثر سراب الـلال يخـدع لميعـه يشفع لي اللّـي بالنجـوم استدليـت وعساي من حزب محمـد شفيعـه (( تفاحه وتفاحه )) ياراكب اللـي يقّـرب نـازح الريـدا ياصل هوى البال مسراحـه ومرواحـه خـلّ ً يتـل الفـواد رويـداً رويــدا لين ادركه واستبـاح حمـاه واجتاحـه محد ٍ سكن يا حبيـب الـروح بسويـدا قلبي ولا أحـد ٍ ملـك قفلـه ومفتاحـه إلا أنت ياللـي عليـك البيـض تقليـدا ومن شاف منهن جمالك سلّـم سلاحـه غـرو ٍ تكيـد بجمالـك للمـلا كيـدا وصايـف ٍ فيـك للعـشـاق ذبـاحـه ماحد ٍ مشى بالبهاء مثلك علـى البيـدا من ساحل عمان ليـن تعقّـب الباحـه ومن حضر موت اليمن وأشمل ليا صيدا ماحد ٍ مشى بالبهاء مثلك على الساحـه خشيف ٍ تفوق العنود المغـزل الغيـدا بصـدر طلـع فيـه تفاحـه وتفاحـه (( يا نيح الورق )) يا نايح الـورق بالله لـو توكلنـي علـى النـوح وانتـه توكـل علـى سـر الهـوى وده وهااتـه وصل جوابي عشيرن كـل شيـن فيـه مملـوح ماقبلـه احـدن مـن الخـلاان سوابـي سوااتـه قله ترفق على مـن جحـت قلبـه بالغـلا جـوح لولاك يازين مالـه عـن هـوى الجـود التفاتـه اسمه قبل عرفكم مـن دفتـر العشـاق ممسـوح وبعثرت شوقه بعد مامات مـن حفـرة ممااااتـه وقل له عيونه من الفرقـا تفـوح اعبارهـا فـوح وليلـن يباتـون فيـه امـت محـمـد مايبـاتـه اودعت خلك يجاوب ساجع القمري علـى الـدوح واودعت قلبه يهوجس فيـك حتـى فـي صلاتـه وقل مقصده منك شوفك وغير الشوف مسمـووح شوفتك عنـده تراهـا لـذت العمـر وطراااتـه وان كاان ماهوب غامرني بشوفـه قبـل لابـوح قل لـه يخبـر قتيلـه فالهـوى يكتـب وصااتـه ولايحسب الموت بسباب الموده ضحـك ومـزوح في ماض الاجيـال قـد جالـه ضحايـا مثبتاتـه منها برمح الموده ضيـف ابـن هـذال مذبـوح ومنه الدجيما ترى رمـح الهـوى سبـت وفااتـه وانـا ترانـي قتيلـه وسوقـي عنـه مـطـروح لو كـان مايقتـل المسلـم قبـل تضهـر برااتـه مسموحن الزين لو يخطي خطى المملوح مدمـوح ندمـح مساويـه لوهـو ماغمـرنـا بحسـنـاات ويبي يبين الك لاجيتـه مـن المملـوح منضـوح ويبي يبين الك منـه اخـلاص قلبـه مـن نياتـه وانا اخبره للعـواذل فـي لا يبصـر ولا يـووح ومن نم بـي عنـد مظنونـي محناتـن حصااتـه ورمح الهوى جارحن قلبه مثل مانـي بمجـروح لـولا سلـوم الهـوى الـي مانعنـي مانعـااتـه وهاذي تراها سلوم اهل الغـرام الـي لهـا رووح لـو مالحقنـا زمانـه حدثـونـا بــه رواتــه وقتن مضى مع خشوف فالهوى ابن اعمير مصلوح لحـق علـى اتـلاه ولا مقدمـه يقـول فـااتـه قال اوله مـاح محسـن والدجيمـا جمتـه مـوح وابن ربيعه وابـن لعبـون شربـو مـن فراتـه واليوم حطو لهم عشقـن مبـاري فيـه سامـوح اسمه على اسم الهـوى ميـر السلـوم مخالفاتـه عشقن تسمو به اللـي عشقهـم للنـاس مفضـوح يوم المناعير شامـو عنـه شربـو مـن صراتـه يم الفضيله يشـوم اعـن الرذيلـه كـل ممـدوح وهم قاضبين الرذيلـه قضبـت الاعمـى لشاتـه قصيدة الشاعر سعد بن جدلان الاكلبي ومجاراة الشعراء : شاعرنا غازي بن عون والشاعر عبدالله ابن عون . يقول بن جدلان .. الا يالهبوب البـاردة عجلـي هبـي على جاش من قامت هواجيسه أتلوبه أنا مـرةٍ اصحـى ومـرن يغيبـي وأسرح مع كثر الطواري بغيبوبـه ألا يادهر ماهـوب حـقٍ تلاعبـي وخليتنـي لمقـرد الخلـق لعبوبـه أعبـادٍ مغفلهـا الزمـان وتعجبـي يحسبون قل المال في الرجل عذروبه وأنا قانعٍ باللي علـي كاتبـه ربـي ومومن بمقـدوره وقانـع بمكتوبـه ولا أبغى عمى الأريا برايه يجربـي وهو ماعرف ماجوب ربي وما جوبه هذور المجالس راعي المدح والسبي وهو في الخلا لو جاه بنت خذت ثوبه يقولون لي جز من تصرفك وتحبـي وهي توبتي من مجتمعهم هي التوبه ديار الوبا مـن طبهـا راح متوبـي وقرابة الجربا على الحول مجروبـه انا عارفٍ منصاي لمـن بـدا نبـي واعرف طريقي اللي بتجـه صوبـه وانا أعرف من أعادي ومن أحبـي وبه ناس لاتبغض ولاهي بمحبوبـه فرد غازي بن عون قائلا : انا للكـلام الزيـن يابـداح يـا حبـي وراع القصيدة داعب القلـب باسلوبـه تشوقـت فيهـا يـوم لقيتـهـا لـبـي تشـوق محـب شايـف زول محبوبـه على شان في موضوعها ماحرش ضبي وخلاني أمشي مـع مماشيـه وادروبـه هجـوس تكبـر مـع معانيـه وتلبـي وهو يشتكي من قسوة الوقت وخطوبـه ويلوم الهذور اللي على الهـذر متربـي مشاهد عيوب الناس ماشاهـد اعيوبـه بخيـل ذليـل علتـه مالـهـا طـبـي وشذب القفى غايـة مرامـه ومطلوبـه ولا لوم من جاشه من الغيـض متعبـي علـى مـن تناجـوا بالمقفـى ونموبـه عسى ساق من لامه بمـا قـال ينجبـي نتيجة قذيفـة بنـدق وجهـت صوبـه ليـا ضبـه الجبـار ماعـاد ينضبـي وصوابه من الركبه ليـا حـد عرقوبـه أصارع همـوم عـن يمومـي تجنبـي وتكشفلي آفات عـن الخلـق محجوبـه وأحول بسوق عن هل الكـون متخبـي تجيني بـه أنـواع الغرابيـل مجلوبـه وانا أرجي الفرج من وامر الوبل ينصبي مدبـر ابـن آدم خالقـه غافـر ذنوبـه وجاراهم عبدالله بن عون قائلا : انا يوم غازي جاب تقريـره الطبـي عن الأكلبي درته وفوجيت باعجوبـه وتواشى بجاشي واهج الشوق واشتبي على مشرع حلو على الكبد مشروبـه ورمع للجنوبي رامع الشوق واجنبـي وعلى شوق ابن جدلان خاويت مندوبه ولـو ماجذبنـي لا عزيمـه ولانبـي جذبني حديثـه مـع ثنيـنٍ تناجوبـه ولا لوم ابن جدلان ولو عاش متخبـي وهجر ساحةٍ فيها الموازيـن مقلوبـه احد صاير قاضي واحد صار متنبـي واحد صاير عوني على حسب مطلوبه واهو لو يرد بحر المواهب على غبي يصدر حصيله مايجي ربـع انبوبـه ولي تكمله للديوان ان راق لكم ان شاء الله واعذروني اذا فيه بعض الاخطاء وارجو منكم التعليق . ودمتم بود |
     |
|
06-14-2010, 03:47 AM
| #4 (permalink) |
| ..........   تاريخ التسجيل: Mar 2010
المشاركات: 1,229
معدل تقييم المستوى: 10  | رد: ديوان الشاعر غازي بن دخيل الله بن عون دائما مبدع يا الصابري يعطيكك العافيه
__________________  الشوق معدن نادر يتمدد بالحراره وينكمش بالبروده ...................................... النظره لغه عالميه لا تحتاج الى ترجمه .................................... العاقل من يضيف لعقله عقول الاخرين ...................................  i-msy@hotmail.com |
| |
|
08-09-2010, 06:15 PM
| #5 (permalink) |
| عضو شرف   تاريخ التسجيل: Aug 2010 الدولة: حيث الحنين العمر: 22
المشاركات: 1,786
معدل تقييم المستوى: 4  | رد: ديوان الشاعر غازي بن دخيل الله بن عون
وبعـد بغيبوبـة هواهـا تماديـت في حبها شميـت ريـح الخديعـه ولا انتبهت الاّ بعـد مـا تفاجيـت بكحول الطفلـه لشمطـاء لكيعـه صح لسآآن قآآيلهآآ والله لآهنت لكـ الورد والود |
|
| |
 |
| مواقع النشر (المفضلة) |
| الكلمات الدلالية (Tags) |
| الشاعر , الله , بن , دخيل , ديوان , عون , غازي |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض العادي
